„Васил Хаџиманов бенд“, еден од највлијателните џез-фјужн состави на Балканот, денеска го промовираше својот осми студиски албум со наслов „Кејф“ во фоајето на Македонски народен театар.

Албумот е издаден во дигитален и це-де формат од страна на хрватската издавачка куќа „Кроација рекордс“ и содржи девет песни продуцирани од Васил Хаџиманов, Марко Периќ и Тони Китановски.

На денешната прес-конференција, Васил Хаџиманов истакна дека уживал додека го снимале албумот и дека е задоволен како испаднал.

Продуцентот Тони Китановски посочи дека ова му е трета соработка со Хаџиманов.

„Васил Хаџиманов е музичар со единствен сензибилитет. Како пијанист, композитор, аранжер и педагог, тој е незаменлива врска на регионалната џез сцена и поединец кој во себе носи дел од своите предци кои, секој на свој начин ги обележија музичките простори на Балканот“, беше посочено на прес-конференцијата.

Новиот студиски албум на „Васил Хаџиманов бенд“ ќе биде претставен на концерт во Македонскиот народен театар на 12 април.