Вардар и Еурофарм Пелистер убедливи пред финалната битка за трофејот!
Вардар 1961 ја забележа и втората победа на традиционалниот струшки ракометен турнир, откако го совлада и Еурофарм Пелистер 2 со резултат 33:19.
Прв стрелец кај победникот беше левото крило Димитриоски кој 10 пати се запиша во листата на стрелците.
Како што и се предвидуваше „црвено-црните“ во борбата за трофејот на турнирот во Струга ќе се бори против првиот тим на Еурофарм Пелистер. Претходно битолчани дојдоа исто така до својата втора победа остварена против Прилеп убедлива со 38:17.
В сабота (15 август) е четвртиот ден на турнирот, од 17.15 часот Охрид ќе игра со Еурофарм Пелистер 2, потоа Струга се соочува со првиот тим на Еурофарм Пелистер, а од 21.15 часот Вардар ја има фаворитската улога против Бутел.
В недела се последните дуели за конечен пласман, за седмото место од 10.00 часот, од 17.15 часот за петтата позиција, за третата од 19.15 часот, а финалето е од 21.15 часот.