Утре продолжува судскиот процес на министерката Петровска против пратеникот Ковачки
Утре продолжува судскиот процес против Драган Ковачки покренат од министерката Славјанка Петровска.
„ Утре со почеток во 09:45 часот во Основен суд 2 во судница 14 ќе се одржи главната расправа за судскиот спор кој го иницирав против искажаните невистини на Драган Ковачки кон мене.
Рочиштето е отворено за јавност” објави Петровска.
Пред оусум месеци во Основниот суд 2 започнува подготвително рочиште за судскиот спор што го иницираше министерката за одбрана Славјанка Петровска против пратеникот од ВМРО-ДПМНЕ Драган Ковачки.
Причината за поднесената тужба се изнесените ставови на Ковачки, кој на седница за пратенички прашања обвини оти министерката користи седативи и дискутабилно е дали може одговорно да ја извршува функцијата.
Тој се повика на документ од специјалист-психијатар, за кој што рече дега го поседува, а Петровска веднаш најави тужба.