Уште еден успех: Дина Јашари ќе настапи на „Егзит“ во Србија
Македонската пејачка и кантавторка Дина Јашари ќе настапи на годинашното издание на регионалниот музички фестивал „Егзит“ во Нови Сад, Србија.
Со објава на социјалните медиуми, талентираната музичарка најави дека ќе настапи со својата група на сцената „Фјужн“.
„Другари, се гледаме на фестивалот ‘Егзит’“, напиша Јашари на Инстаграм.
Полека, но сигурно, Јашари ја освојува регионалната музичка сцена, а минатата година беше добитничка на престижната музичка награда „Милан Младеновиќ“, што традиционално се доделува во чест на покојниот фронтмен на „Екатарина Велика“.
Годинашното издание на „Егзит“ ќе се одржи од 6 до 9 јули.