Унгарија ги блокира новите санкции на ЕУ против Русија, тврдат дипломатски извори за ДПА

Виктор Орбан
Виктор Орбан / EPA-EFE/STEPHANIE LECOCQ

Унгарија повторно бара измени на новиот пакет санкции на ЕУ против Русија пред да стапи на сила. Тие овојпат бараат поглаварот на Руската православна црква, Кирил да биде отстранет од листата на санкции на ЕУ, велат дипломатски извори за ДПА.

Со тоа барање Унгарија го блокира усвојувањето на шестиот пакет санкции, кој вклучува ембарго за увоз на руска нафта испорачана со бродови, откако беше постигнат политички договор на ниво на шефови на држави или влади.

За да може договорот да стане закон, тој требаше да биде одобрен од амбасадорите или министрите на земјите-членки.

Според дипломатски извори, во тек се консултации со Будимпешта за укинување на блокадата.

Извор: МИА

Видео на денот