Украинската блогерка раскажа за хоророт за време на бомбардирањето во породилиштето
Фотографиите од украинска блогерка Маријана Вишегирска која едвај се спаси од бомбардираната болница во Мариупол го потресоа светот.
ФОТО: Се породи трудницата од Мариупол околу која се крена голема врева
Следниот ден Вишегирска родила девојче на кое ѝ го дала името Вероника. Таа на новинарите им раскажа како изгледал нападот на болницата.
„Тоа се случи на 9 март во Болницата 3 во Мариупол. Лежевме во одделенијата кога одеднаш експлодираа стаклата, рамките, прозорците, ѕидовите. Не знаевме како се случи тоа. Бевме во нашите одделенија, некои успеаја да се заштитат, некои не“, раскажа таа за хоророт кој го доживеала.
Набргу по инцидентот познатата блогерка беше обвинета од руските власти дека е платена актерка, откако беше фотографирана крвава во породилиштето во Мариупол по бомбашкиот напад.
На фотографиите направени по ужасот што се случил во болницата, се гледа Маријана која бега со најосновните работи, облечена во пижами, со крваво лице и со јасно видлив труднички стомак.
Иако претходно на својот инстаграм-профил имаше објави фотографии на кои очигледно е бремена, сепак, тоа што има над 70.000 следбеници им бил доволен доказ на Русите дека таа е актерка која учествувала во исценираното гранатирање на породилиштето.
View this post on Instagram
Твитот во кој руската амбасада во Лондон ја обвини дека е актерка оттогаш е избришан бидејќи ги прекршува правилата на социјалната мрежа „Твитер“. Тогаш беше наведено дека блогерката била нашминкана и покриена со лажна крв за да изгледа повредена…