Европската фудбалска федерација поради пандемијата на коронавирусот денеска донесе одлука да го откаже Европското првенство до 19 години и во машка и во женска конкуренција.

Според УЕФА, главна причина за откажувањето на ЕП се ограничувањата кои ги донесоа владите во европските земји поради пандемијата на коронавирусот.
„Патувањата на репрезентациите и одржувањето на мини турнири би било многу тешко изводливо во вакви услови“, објави УЕФА.

Европското првенство до 19 години вио машка конкуренција од 30. јуни требаше да се игра во Романија, додека женскиот турнир беше планиран во јули во Белорусија.
УЕФА исто така одлучи завршницата во футсал Лигата на шампионите од Минска да ја премести во Загреб, а турнирот ќе се одржи од 28. април до 3. мај.