УЕФА донесе одлука: Македонија од третиот шешир ќе ја чека жрепката за Лигата на нации
Најдобрата македонска фудбалска репрезентација ќе биде во третиот шешир заедно со Словачка, Северна Ирска и Кипар, и против нив сигурно не може да игра во групната фаза од следната Лига на нации, односно Лигата „Ц“.
Шешири за Лига „Ц“
1. шешир: Романија, Шведска, Ерменија, Луксембург
2. шешир: Азербејџан, Косово, Бугарија, Фарски Острови
3. шешир: Македонија, Словачка, Северна Ирска, Кипар
4. шешир: Белорусија, Литванија/Гибралтар, Естонија, Летонија
Како што известуваат од Европската куќа на фудбалот првите натпревари ќе се играат во септември 2024.
Првопласираната ќе оди во повисок ранг, односно Лигата „Б“, второпласираната ќе игра бараж за место во Лигата „Б“, третопласираната обезбедува опстанок во Лигата „Ц“, додека четвртопласираната се соочува со можно испаѓање во Лигата „Д“.
Жрепката за групите од новото издание во УЕФА Лигата на нации ќе се одржи на Париз на 8 февруари 2024 година.