19 C
Скопје

Удар од ЛДП во незгоден момент

Како „удар од ЛДП“ и одлука донесена во „најнезгоден момент“ го оцени  денеска премиерот и лидер на СДСМ Зоран Заев ставот на коалицискиот партнер Либерално-демократската партија дека нејзините двајца пратеници, Боби Мојсовски и Моника Зајкова, во иднина ќе настапуваат самостојно во парламентот, надвор од Коалицијата „Можеме“.

Во соопштението на ЛДП беше речено дека Централниот одбор на партијата ја донел оваа одлука уште пред седум месеци, но дека поради објективни причини, не можела досега да се реализира.

„Како партија донесовме одлука уште пред седум месеци за самостојно делување во македонскиот парламент заради подобро претставување на либералните вредности и поголем простор за дејствување на нашите пратеници. Тоа за нас претставува демократски потег и не е поврзано со дневнополитички теми. Оставивме доволно простор за имплементација на оваа одлука. ЛДП како и нејзините пратеници и понатаму ќе продолжат да ја поддржуваат Владата, а тоа ќе се потврди и со гласањето доверба на министрите Љупчо Николовски и Бојан Маричиќ“, пишува во соопштението од ЛДП.

Прочитајте и...  Дел од Скопје утре под сообраќаен режим: Протест од Чаир до Влада

Заев ја оцени оваа одлука на ЛДП како легитимна, но смета дека не е соодветна во време кога опозицијата зборува за ново парламентарно мнозинство.

– Одлуката на ЛДП е донесена уште во текот на формирањето на владината коалиција и чекаа соодветен момент. Објаснувањето за ова е дека сакаат да имаат поголема видливост, бидејќи наводно помалите партии се претопени во поголемите и го разбирам тоа. Ваквиот исчекор на ЛДП е повредување на коалицискиот или на заедничкиот настап. Не е потребно сега, можело да се почека 15 дена или месец дена, ама ЛДП е партија и сама си одлучува за тоа. Ова го сметам за удар врз СДСМ, бидејќи времето не соодветно за таква одлука – рече Заев.

Прочитајте и...  ФОТО | Убава вест: Пристигна првиот штрк во Македонија, своето гнездо го смести во селото Богородица

Според неофицијални партиски информации, дел од членството било крајно изненадено од партиското соопштение, бидејќи претходно не биле известени за моментот кога оваа одлука ќе биде реализирана. Извори на ЛДП велат дека претседателот на партијата Горан Милевски не ги информирал дури ни двајцата пратеници дека ќе ја активира  одлуката.
Пратеникот на ЛДП Боби Мојсовски за „Слободен печат“ вели дека ќе ја почитува  партиската одлука.

– До претседателот на Парламентот сè уште немаме доставено официјална информација дека излегуваме од пратеничката група на собраниското мнозинство. Сè додека не го известиме спикерот Џафери, ние сме дел од коалицијата „Можеме“ – вели Мојсовски.  

Набргу по формирањето на Владата слична одлука донесе и партијата Беса – дека ќе дејствува независно, но ќе ја поддржува Коалицијата „Можеме“. Беса во Собранието има четворица пратеници.

Прочитајте и...  Алармантно во Охрид: Британскиот сој ја затвори охридска кардиохирургија

Поврзани вести

Блинкен утре во „виртуелна посета” на Мексико и Канада

Слободен печат

Дел од Скопје утре под сообраќаен режим: Протест од Чаир до Влада

Слободен печат

Патронат на тетовската касарна: Одбележани 77 години од смртта на народниот херој Кузман Јосифовски Питу

Слободен печат

Заев: Пописот ниту ќе даде некому право плус, ниту ќе одземе

Слободен печат

Кина испраќа дополнителни 500.000 дози вакцини на Србија

Слободен печат

Бројот на новороденчиња во Франција падна за 13 отсто во текот на една година

Слободен печат

Остави Коментар