Уапсена Катарина Баќовиќ, го изнајмила станот од кој бил ископан тунелот до Вишиот суд во Подгорица
Катарина Баќовиќ од Подгорица е уапсена по наредба на Основното државно обвинителство (ОДТ) поради сомнение дека е дел од криминална група која упаднала во депото на Вишиот суд во Подгорица, неофицијално дознава и објавува „vijesti“.
Полицијата по Баќовиќ трагаше од средината на септември.
Таа е идентификувана како лицето кое го изнајмило станот на Његошева бр.12, од кој членовите на криминалната група ископале тунел кој води до Вишиот суд.
„Вијести“ пишува дека во истрагата била сослушана и нејзината мајка Маја Баќовиќ, која работела како управителка на судската писарница. Таа негирала дека е вмешана во тешка кражба.
Провалата на судското депо беше откриена на 11 септември.
Во досегашната истрага, предводена од Основното државно обвинителство во Подгорица, запленети се стотици часовни снимки од надзорните камери, пронајден е алатот што го користеле копачите, а извршено е и вештачење на трагите на осомничените.
Оперативните полициски податоци покажуваат дека водачите на кавачкиот криминален клан го организирале копањето на подземниот тунел, а инспекторите се уште утврдуваат која била нивната главна цел.