Твоја партија: Заев да си даде веднаш оставка
По денешната блокада од Бугарија и незапочнувањето преговори со ЕУ, Твоја партија бара оставка од премиерот Зоран Заев и Владата и распишување предвремени парламентарни избори.
Сакаме да го расчистиме патот што е можно повеќе, не е сè само во наши раце, рече Рот
-Денеска Бугарија стави вето на датумот за пристапните преговори на Македонија во Евроска Унија.
Напорите кои што оваа Влада ги направи во изминатите 3 години, вклучително и Референдумот за промена на уставното име и влез во ЕУ, се покажаа неуспешни. После овој дипломатски дебакл, Заев и неговиот тим треба веднаш да си понесат одговорност, Заев да си даде веднаш оставка согласно неговата изјава од 6-ти јуни 2019 и веднаш да се распишат предвремени парламентарни избори, сметаат од Твоја партија.
Бугарија смета дека Македонија не била подготвена да ги почне преговорите за членство во ЕУ и затоа се очекуваше вчера Советот за општи работи во Брисел да не ја усвои преговарачката рамка. Блокадата на Бугарија е наспроти останатите 27 европски земји, кои уште во март одлучија дека преговорите ќе почнат штом се усогласи рамката и следува по серијата агресивни барања со кои на Македонците им се наметнуваат бугарски корени.
Според Владата, преговорите со ЕУ не смеат да се претворат во преговори со Бугарија и нашиот напредок во евцроинтеграциите првенствено треба да зависи од домашните реформи врзани со поглавјата, законодавството на Унијата и постигнувањето на европските стандарди.
Влада: Преговорите со ЕУ не смеат да се претворат во преговори со Бугарија