Турскиот „крал на криптовалутите“ осуден на 11.196 години затвор
Турскиот „крал на криптовалутите“ Фарук Фатих Озер, неговиот брат Гувен и сестрата Серап се осудени на по 11.196 години затвор за измама на инвеститори од десетици милиони долари, објави Би-Би-Си.
Во 2021 година, Озер побегна во Албанија со парите на инвеститорите откако неговата берза за криптовалути Todex ненадејно пропадна. Во јуни оваа година тој беше екстрадиран во Турција и на судење беше прогласен за виновен за перење пари, измама и организиран криминал.
На краткото судење во Истанбул, сестрата и братот на Озер беа прогласени за виновни за истите обвиненија и осудени на иста казна. Ваквите затворски казни станаа вообичаени во Турција по укинувањето на смртната казна во 2004 година во обид да се исполнат условите за влез во Европската унија.
Crypto Kingpin’s Downfall: 11,196 Years Behind Bars!
Faruk Fatih Ozer, the mastermind behind the Thodex crypto exchange that crashed in 2021, was slapped with an 11,196-year prison sentence by an Istanbul court! Ozer, who skyrocketed to infamy after founding Thodex in 2017 and… pic.twitter.com/1RCNJ8um4c
— Crypto Town Hall (@Crypto_TownHall) September 8, 2023
Така, минатата година телевизискиот проповедник Аднан Октар беше осуден на 8.658 години затвор за измама и сексуални злосторства, а десет негови следбеници добија исти казни.
Обвинителството побара Озер да биде осуден на 40.562 години затвор, но тој е осуден на речиси четири пати помалку.
Турците почнаа да користат криптовалути за да заштедат пари откако лирата падна пред повеќе од две години, а Тодекс беше една од најголемите берзи за виртуелни валути и Озер стекна национална слава како финансиски волшебник.
Сепак, неговата платформа се урна во април 2021 година. Имотот на инвеститорот исчезна, а Озер побегна од земјата. Тој беше уапсен минатата година во Албанија по потерница издадена од Интерпол и екстрадиран во Турција.
Турските медиуми објавија дека Озер побегнал од земјата со имот вреден две милијарди долари, но во обвинението според кое е осуден се наведува дека загубите на инвеститорите на Тодекс изнесуваат 356 милиони лири, кои пред две години вределе околу 43 милиони долари, а сега поради падот вредноста на лирата е вредна 13 милиони долари.
