Трајковски може да го напушти Хајдук: Неоправдано луксузна инвестиција
Репрезентативецот на Македонија, Александар Трајковски според најавите ќе си замине на крајот од сезоната од редовите на Хајдук, иако неговиот договор е со важност до 2025 година.
Денес клуботт потврди дека по лошиот период заминува претседателот Лукша Јакобушиќ, а на лето се најавуваат и големи промени во играчкиот кадар.
Трајковски има скромна минутажа и одигра вкупно 300 минути на десет натпревари, постигна само еден погодок. Според информациите на хрватски „Спортске Новости“ клубот ќе се раздели со него на крајот од сезоната.
„Сезонава Трајковски има само еден гол и од почетокот на ноември одигра само 21 минута. Нема да навлегуваме во висината на неговата плата, меѓутоа со оглед на тоа колку одигра и што пружи, дефинитивно е неоправдано луксузна инвестиција“, стои во текстот во делот за македонскиот репрезентативец.