Тончи Хуљиќ за зетот Петар Грашо: Тој е лош пример за сите мажи
Музичарот Тончи Хуљиќ гостуваше во емисијата „Ин Магазин“ на хрватската телевизија „Нова“, каде зборуваше за новите музички проекти со неговата придружна група „Мадре Бадеса“, но и за новата животна улога – дедо на малечката Алба, ќерката на Хана Хуљиќ и Петар Грашо.
Тој вели дека малку за заситил од поп музиката и дека сега повеќе ужива во моментите со внуката.
„Не стигнуваш да работиш и не можеш да се сконцентрираш. Мора да бидеш присутен, денешните деца имаат многу барања, особено ако имаат енергија како неа [Алба]. Таа не е секојдневна [се смее]. Но, веројатно секој дедо зборува вака за своето внуче. Таа е многу музикална, екстремно“, вели Хуљиќ.
Во разговорот за „Ин магазин“, тој откри за што е најмногу горд.
„Во моментов сум многу горд, па дури и мал загрижен за тоа каква мајка е Хана. Таа се претвора од девојче во грижлива мајка, на која мораме да внимаваме, затоа што ќе дозволи ќерката да ја изеде во целост… Тој мајчински инстинкт е навистина неверојатен, таа сакаше да биде мајка и тоа ѝ се оствари. Навистина уживаме со ова дете, кое, во најмала рака, е специфично – како и неговите родители и баба и дедо“, рече тој.
Како што вели музичарот, тој и неговата сопруга Вјекослава не сакаат да се мешаат во воспитувањето на малата Алба. Исто така, Хуљиќ го сподели своето мислење за зетот Петар Грашо.
„Тој е лош пример за сите мажи. Човекот е толку брилијантен во домот, што сите пријатели што ги однесов таму со сопругите ми рекоа да не ги носам веќе за да не гледаат што се случува. Човекот навистина знае да готви и тоа е неверојатно. Затоа нема зошто да му делам совети, а и нема полошо од тоа бабата и дедото постојано да се мешаат кај децата – мешај се толку колку што бараат од тебе“, вели музичарот.