Легендарниот фудбалски коментатор, Џон Мотсон почина на 77-годишна возраст, тажната вест во британските медиуми ја потврди неговото семејство.

Кариерата на Мотсон траеше повеќе од половина век и известуваше од десет светски првенства, десет европски, работеше 29 финалиња на ФА Купот и над 200 натпревари во Англија.

„Со голема тага објавуваме дкеа Џон Moтсон почина мирно во сон“, стои во соопштението од семејството.

Посебно емотивна порака за смртта на Мотсон испрати директорот на „Би-Би-Си“, Тим Дејви.

„Џон Мотсон, беше гласот на една фудбалска генерација, не водеше низ многу пресврти и големи натпревари. Џон ги имаше вистинските зборови во вистинско време на најдобар начин да ги пренесе моментите во кои се радувавме или бевме разочарани. Заслужено ќе остане запаметен како легендарна фигура во британското спортско емитување“, објави Дејви.