Татко ѝ на Хејли Бибер со загрижувачка објава: Молете се ќерка ми и Џастин Бибер
Американскиот актер Стивен Болдвин (57) сподели загрижувачка објава во која ги замоли своите следбеници да се „молат“ за неговата ќерка Хејли Бибер и нејзиниот сопруг Џастин Бибер.
Во понеделникот, Болдвин сподели објава од Виктор Маркс, основач на „All Things Possible Ministries“, црковна заедница во САД, на која Џастин Бибер ја пее и ја свири песната „I Could Sing of Your Love Forever“ од музичкиот состав „Хилсонг воршип“.
„Христијани, би сакал да ве замолам за следново – следниот пат кога ќе помислите на Џастин и Хејли, упатете мала молитва кон нив, да бидат мудри, заштитени и да му се приближат на Господ“, напиша актерот на својот инстаграм-профил.
Во објавата, Виктор Маркс истакна дека неговата сопруга Ајлин Маркс и мајката на Хејли Бибер, Кенија Болдвин, „често се молат заедно“ за младиот пар.
„Постојат посебни предизвици со кои се соочуваат луѓето на високи позиции, а истовремено непријателот не сака тие да се доближат до Исус.
Без разлика на материјалните работи или признанијата, тие често се соочуваат со духовна војна која е интензивна и има тенденција да ја уништи нивната вера, бракот и животот воопшто. Ви благодариме за помошта“, напиша тој во објавата, која ја пренесе „Пејџ сикс“.
Иако актерот ја сподели објавата меѓу своите инстаграм-стории, тој не понуди дополнителен контекст за тоа низ што минуват Хејли и Џастин Бибер.