Еден од луѓето кои се најзаслжни за тоа што Јувентус денеска е фудбалски гигант, Џанпјеро Бонипетри почина од срцев удар на 93 годишна возраст.
По Втората светска војна, Бонипетри стана член на Јувентус за кого играше од 1946 до 1961 година. За тоа време одигра 443 натпревари и постигна 178 голови и е еден од најдобрите стрелци во историјата на „старата дама“.
Пет пати ја освојуваше Серија А и беше стандарден италијански репрезентативец, но по завршувањето на играчката кариера ги направи најголеми работи за својот тим. Во 1971 година стана претседател на Јувентус и екипата со него на чело стана фудбалски гигант. Под негово водство, Јувентус освои 16 титули, а екипата освои и неколку европски трофеи, една титула во Купот на Европски шампион, една титула во Купот на куп победниците и два трофеи во Купот на УЕФА.  Од претседателската позиција се повлече 1990 година.