Во врска со информациите пласирани во јавноста од страна на некои поединци, кои се шират на социјалните мрежи за наводно киднапирање во Прилеп, СВР Битола доцна попладнево испрати известување до јавноста дека станува збор за класично ширење на лаги и невистини од страна на некои неодговорни поединци, се со цел да ги вознемират граѓаните.

– Нема никакво киднапирање ниту во Прилеп ниту било каде во државата. Апелираме до граѓаните да не наседнуваат на ваквите лаги. Полицијата ја гарантира безбедноста на сите граѓани. Против лицата што шират лаги со цел да предизвикаат паника, во координација со Обвинителството, ќе бидат преземени соодветни мерки-стои во информацијата на СВР Битола.