Уругвајскиот репрезентативец Луис Суарез не планира да се враќа во Премиер лигата бидејќи не сака да игра против Ливепрул, неговиот поранешен тим. Суарез на „Енфилд“ помина четири години од 2011 до 2014 година и на 133 натпревари постигна 82 гола за „црвените“.

– Би ми било многу тешко да играм за друг клуб во Аглија. Имав, а се надевам дека имав, а се надевам дека сè уште имам добар однос со навивачите на Ливерпул и би ми било чудно да играм против нив – вели Суарез.

Луис Суарез изминатата сезона ја помина во Атлетико Мадрид со кого веднаш ја освои титулата во Ла Лига. Уругваецот на „Ванда Метрополитано“ пристигна од Барселона за која настапуваше шест години.
– Кога ќе помислам колку добро се вклопив во тимот и колкава доверба ми укажа тренерот Симеоне, можам да кажам дека тоа беше вистинска одлука. Сега уживам тука и нема потреба да зборуваме за евентуално заминување – додава Сузрез.