Студија покажа колкав е ризикот од нови срцеви заболувања по прележан ковид-19
Долго време по закрепнувањето од ковид-19, луѓето се соочуваат со значително зголемен ризик од нови срцеви заболувања, покажа голема американска студија.
Научниците од Министерството за воени ветерани на САД ги споредиле стапките на нови кардиоваскуларни проблеми кај 153 760 лица заразени со коронавирусот пред да бидат достапни вакцините, со стапките кај 5,6 милиони луѓе кои сѐ уште не се заразиле со коронавирусот и со стапките кај уште 5,9 милиони луѓе чии податоци биле собрани пред пандемијата.
Во просек, една година по закрепнувањето од акутната фаза на инфекцијата, оние кои го прележале коронавирусот имале 63 отсто поголем ризик од срцев удар, 69 отсто поголем ризик од неправилно чукање на срцето, 52 отсто поголем ризик од мозочен удар, 72 отсто поголем ризик од застој на срцето и речиси трипати поголем ризик од потенцијално смртоносно згрутчување на крвта во белите дробови во споредба со другите две групи, се вели во извештајот објавен оваа недела во списанието „Nature Medicine“.
„Зголемените ризици од срцеви болести беа евидентни кај сите подгрупи – млади и стари, белци и црнци, мажи и жени. Луѓе со и без дијабетес, луѓе со и без бубрежни заболувања, кај пушачи и кај непуштачи“, вели д-р Зијан Ал-Али.
The risks of cardiovascular diseases were evident in all subgroups: young and old, White and Black people, males and females, and several other subgroups pic.twitter.com/SRVFhaaCVp
— Ziyad Al-Aly, MD (@zalaly) February 7, 2022
„Ризиците се евидентни и кај луѓето кои имале поблаг облик на болеста и не морале да бидат хоспитализирани“, пишува тој, исто така.
The risks were evident even among people who did not need hospitalization or ICU care during the acute phase of SARS-CoV-2 infection pic.twitter.com/z5HATOnAJ6
— Ziyad Al-Aly, MD (@zalaly) February 7, 2022