Столе Димитриевски ќе го продолжи договорот со Рајо Ваљекано?!
Според „Ел Чирингито ТВ“, македонскиот голман Столе Димитревски ќе го продолжи договорот со шпанскиот фудбалски клуб Рајо Ваљекано.
Веќе подолг период се шпекулира околу иднината на репрезентативецот чиј важечки договор со Рајо истекува на крајот од оваа сезона на 30 јуни 2024 година.
За услугите на нашиот 30-годишен чувар на мрежата интерес интерес во изминатиот период покажаа Валенсија, Реал Бетис и Севиља.
Димитриевски ја игра седмата сезона во дресот на екипата од Мадрид, сезонава во „Ла Лига“ има 20 настапи од кои на осум натпревари мируваше неговата мрежа.
Претходно во клупската кариера ги бранеше боите на Работнички, Гранада и Гранада Б, Кадиз Б и Химнастик. За најдобрата македонска репрезентација до сега запиша 66 настапи.
🧤Dimitrievski, cerca de renovar con el Rayo Vallecano
ℹ️@elchiringuitotv https://t.co/sePyiprp7A
— Unión Rayo (@UnionRayo) January 23, 2024