Со жрепка ги дознавме осминафиналните двојки во „Копа дел Реј“, а во оваа фаза ќе испадне еден од фаворитите за освојувањето на пехарот.

Меѓу осминафиналистите има вкупно 14 прволигаши, Тенерифе е единствениот второлигаш, а Унионистас доаѓа од третолигашката конкуренција.

Рајо Ваљекано на македонскиот репрезентативен голман Столе Димитриевски за противник го доби најголемото изненадување сезонава во „Ла Лига“, екипата на Жирона.

Барселона се очекува да ја оправда фаворитската улога против Унионистас, додека ланскиот финалист Осасуна ќе ги одмери силите со Реал Сосиедад.

Реал Мадрид, кој го брани трофејот, за пласман во четвртфиналето ќе има голема пречка пред себе, градскиот ривал Атлетико Мадрид. Сите натпревари ќе се играат во периодот од 16 до 18 јануари 2024 година.

„Копа дел Реј“

Осминафинале, двојки –

Унионистас – Барселона
Тенерифе – Мајорка
Хетафе – Севиља
Осасуна – Реал Сосиедад
Валенсија – Селта Виго
Атлетик Билбао – Депортиво Алавес
Атлетико Мадрид – Реал Мадрид
Жирона – Рајо Ваљекано