Градоначалникот на Оптина Гази Баба Бобан Стефковски, заедно со претставници од Шумарскиот факултет и членови на Советот на општина Гази Баба беше во посета на Заштитено подрачје „Интегрална целина Острово“, информираат од Општината.

– Заеднички утврдивме дека е потребно отпочнување на процес за повторно прогласување на Заштитено подрачје „Интегрална целина Острово“ во што општина Гази Баба прифаќа да биде партнер и поддршка на Шумарскиот факултет – нагласи градоначалникот Стефковски.

Инаку, колку за потсетување, заштитено подрачје „Интегрална целина Острово“ се состои од три подрачја: Првиот дел е наречен Езерце и преставува место каде што се гнездат различни видови на птици, а уште се нарекува и место за гнездење, одмор и прелет на различните видови на птици. Вториот дел е наречен Арборетум што преставува збирка на различни алохтони видови на дрвја, односно дрвја на кои ова не им е природно живеалиште туку се насадени за научни цели.

Истата е подигната во 50тите години на минатиот век и содржела околу 600 видови дрва од целиот свет. Во тоа време дел од арборетумот се користел за производство на садници. И третиот дел е наречен Острово кое преставува поранешно островче на два крака на реката Вардар, мало подрачје на сочувана автохтона вегетација и живеалиште на голем број на различни животни.

– Ова заштитено подрачје треба повторно да го добие статусот на заштита од државата бидејќи претставува природна убавина од редок тип – децидни се од Општина Гази Баба.