Старите сандали на соосновачот на „Епл“, Стив Џобс беа продадени на јавната аукција „Икони и идоли: Рокенрол“ за нешто повеќе од 200 илјади долари. Ова постави рекорд за највисока цена платена за сандали на аукција, објави аукциската куќа „Julien’s Auctions“.

Почетната цена на сандалите, кои се од брендот „Биркенсток“ и се изработени со кафеава превртена кожа, била 60 илјади долари, а биле продадени за неверојатни 218.750 долари.

Пред продажбата, сандалите биле претставени како „износени“, но било нагласено дека сѐ уште изгледаат „како нови“.

„Ѓонот од плута сѐ уште го има отпечатокот на Стив Џобс, кој се создал со годините кога тој ги носел овие сандали“, објави аукциската куќа на својата веб-страница.

„Биркенсток“ сандалите беа дел од гардеробата на Џобс во седумдесеттите и осумдесеттите години. Поранешниот управител со куќата на Џобс, Марк Шеф ги „спасил“ сандалите откако биле фрлени во ѓубре.

Џобс почина од рак на панкреасот во 2011 година.

„Џобс ги носеше овие сакани сандали додека го создаваше историскиот компјутер на ‘Епл’ и беа главен моден потпис на технолошката икона“, изјави Дарен Џулиен, извршен директор и основач на „Julien’s Auctions“.