Шкотската премиерка Никола Старџен денеска ги истакна плановите за нов референдум за независност, тврдејќи дека сега постои јасен „уставен и демократски случај” за ново гласање.

Нејзината шкотска Национална партија (СНП) минатата недела освои мнозинство на изборите во Велика Британија, обезбедувајќи 47 од 59 места.

– Тој резултат и мнозинството на СНП на претходните општи избори во 2015 и 2017 година го направи случајот за следниот референдум „непобитен”, рече таа на прес-конференција во Единбург.

Конзервативците на премиерот Борис Џонсон го освоија мнозинството во целата земја, но изгубија повеќе од половина од своите места во Шкотска по кампањата за ново гласање за независност.

– Шкотска минатата недела јасно стави до знаење дека не сака влада на Ториевци, предводена од Борис Џонсон да не изнесе од Европската унија. Тоа е иднината пред која сме исправени, но немаме можност да размислиме за алтернатива за независност, рече Старџен.