Голем успех оствари македонскиот триатлонец Сергеј Малјановски Арнаудовски во кадетска категорија во Загреб.

Денеска на Отвореното првенство на Хрватска во категоријата У15, Малјановски Арнаудовски се избори за второто место на пиедесталот на овој навистина конкурентен натпревар.

Отвореното првенството се случуваше на истата патека како и Европското првенство, односно на езерото Јарун во Загреб.

Во текот на денешниот ден нашиот триатлонец Стефан Делев имаше одличен настап на Европското јуниорско првенство во Загреб, каде оствари време од 1ч. на спринт дистанца, со што заостана 6 минути и 35 секунди зад европскиот шампион.

Од другата страна на натпреварот, во организација на истиот, учествуваа 5 македонски судии кои придонесоа целиот настан да тече беспрекорно и да има европски лик. Официјални резултати ТУКА