Срдечна Твитер преписка меѓу Вучиќ и Ердоган: Нека секој нов ден Ви влее нова сила и одлучност
Српскиот претседател Александар Вучиќ на турскиот претседател Реџеп Таип Ердоган и на неговата сопруга Емина им посака брзо опоравување од коронавирусот. Ердоган експресно му одговори на Вучиќ и во пораката го поздрави и српскиот народ.
Инаку Ердоган вчера на Твитер објави дека тој и неговата сопруга се заразени со ковид-19 по што добија бројни пораки за брзо опоравување.
– Драг пријателе Ердоган, Ви посакувам Вам и на Вашата сопруга брзо оздравување и целосно опоравување. Нека секој нов ден во влее нова сила и одлучност уште повеќе да работите на напредокот на на Вашата земја и народ, му напиша Вучиќ на Твитер.
-Драг пријателе Вучиќ, и јас и мојата сопруга Ви благодариме на пораката. Упатувам поздрави до српскиот народ преку Вас, одговори Ердоган на Твитер.
Değerli dostum Vucic, mesajınız için hem şahsım hem eşim müteşekkiriz. Sizler nezdinde Sırbistan halkına selamlarımızı gönderiyoruz. https://t.co/68GGC0BJ1Z
— Recep Tayyip Erdoğan (@RTErdogan) February 6, 2022