Две диверзантски групи на украинската армија вчераутро се обиделе да ја заземат нуклеарната централа Запорожје.
Со седум брзи чамци сп околу 60 украински диверзанти преминале на другиот брег на вештачкото езеро Каховски, кое е оддалечено само три километри од нуклеарната централа. На овој напад реагирале руските сили, а била вклучена и авијацијата која врз диверзантите истрелала ракети. Овие наводи на извештаите на руските медиуми од теренот ги потврди Министерството за одбрана на Русија.

Уништени биле и два брода на реките Днепар, кои требало да пренесат муниција за потребите на украинските диверзанти . Сето ова укажува дека во Киев сериозно сметале на воено преземање на нуклеарната централа, соопшти командата на руската армија.

Раководството на воено-цивилната администрација на регионот Запорожје соопшти дека се убиени 47 украински диверзанти, дека тројца се заробени, од кои двајца се тешко ранети. Уште 12 диверзанти се блокирани и не можат да стигнат до чамците што ги однеле од брегот во близина на нуклеарната централа.

Диверзантските акции на украинската армија Москва ги се смета како обид да се спречи работата на група меѓународни експерти на чело со директорот на Меѓународната агенција за атомска енергија (МААЕ), Рафаел Гроси, кој вчер а пристигна во нуклеарната централа во Запорожје..

Шефот на градската управа на оваа област соопшти изјави дека во изминатите 24 часа биле забележани повеќе од 60 напади на украинска артилерија и беспилотни летала, во кои според нив загинале тројца цивили.
Киев засега не ги коментира наводи наводната пропадната диверзантска акција, но ја обвини Русија дека нејзините војници стрелаат врз рутата каде треба да се движат и да направат инспекција инспекторите на МААЕ