Спасовски: Се работи на вештачење на доказите од лажните дојави за бомби
Во училиштата повеќе не стигнуваат дојави за бомби, а во моментов се работи на вештачење на материјалите и проследување на доказите за лоцираната група од Иран и Русија која праќаше лажни закани, изјави министерот за внатрешни работи, Оливер Спасовски и додаде дека потоа ќе бидат поднесени кривични пријави.
Целосните детали, како што посочи Спасовски, ќе бидат објавени кога ќе заврши истрагата. Според него, не може да се одреди точна временска рамка кога ќе заврши вештачењето.
-Важно е да имате квалитетно завршена работа и тоа што ќе го поднесете да биде поддржано со доказ, додава тој и посочи дека процентуално, лоцираната група најмногу лажни дојави има пратено во јануари годинава.
Во однос на хибридниот напад врз Фондот за здравство, министерот информираше дека се уште се работи, бидејќи станува збор за обемен проблем, каде беа загрозени многу документи.
-И во овој дел имавме такви напади имавме и во Бирото за јавни набавки, така што таму се работи на целосно затворање на случајот, вели тој.