Советот за безбедност на ОН ги повика Израел и Палестинците да го почитуваат договорот за прекин на огнот во Појасот Газа, соопшти британската мисија во светската организација.

„Членовите на Советот за безбедност на ОН го поздравија договорот за прекин на огнот на 21 мај, признавајќи ја важната улога на Египет, земјите од регионот, ОН, Блискиот исток и другите меѓународни партнери. Советот за безбедност на ОН повикува на целосно почитување на договорот за прекин на огнот“, се вели во изјавата на британската мисија во ОН.

Членовите на Советот за безбедност на ОН ја повторија важноста од „постигнување сеопфатен мир заснован на визијата за блискоисточен регион со две демократски држави – Израел и Палестина – кои живеат една покрај друга во мир и во рамките на нивните безбедни и признаени граници”.

Сите членови на Советот за безбедност на ОН повикаа на итна хуманитарна помош за палестинските цивили, нагласувајќи дека палестинските власти имаат приоритетна обврска да се справат со последиците од израелските воздушни напади и штетата проценета на околу 350 милиони американски долари, како и да ги решат проблемите со снабдување со вода и струја.