Снопче за здружувањето со Левица: Имаме заедничка цел – да се отстрани овој хибриден режим

Халил Снопче во гостување на ТВ21 / 6 ноември 2021 / фото: ТВ21/принтскрин

Пратеникот на Алијансата за Албанците Халил Снопче во студиото на ТВ21 вечерва го објаснуваше учеството на Левица во иницијативата за формирање ново парламентарно мнозинство.

Тој не одговори директно на прашањето дали сите 12 пратеници од Алијанса/Алтернатива биле свесни дека во оваа иницијатива е вклучена и партијата на Димитар Апасиев.

„За жал, постои тенденција од порталите, од страна на луѓе од власта, да го форсираат тој концепт на политички дискурс: или Левица да ја нема или нема Влада. Ние имаме поинаков принцип. Нашиот политички принцип и филозофија е концептот на политичка конјунктура. Значи оваа Влада мора да се урне. Оваа власт мора да се декриминализира. Со овие девијантни појави мора да се бориме. Овој хибриден режим мора да се отстрани од политичката сцена. Значи, ајде да го направиме сето ова во рамките на концептот на конјунктура, сите заедно. Целта на опозицијата е да ја урне власта“, рече Снопче.

Видео на денот