Бразилската полиција заплени куп пари кај соработник на претседателот Жаир Болсонаро. Парите се пронајдени, ни помалку ни повеќе туку во гаќите на политичар, што претставува удар врз претседателот, кој се претставува како борец против корупцијата, пренесува „Гардијан“.

Чико Родригез, заменик на првиот човек на Бразил во сенатот, наводно бил фатен со скриени купчиња пари во средата во текот на полициски претрес во неговиот дом. Рацијата била дел од операцијата против злоупотреба на средствата за ковид-19.

Два извори изјавија за весникот Естадо де Сао Паоло дека 30.000 реали (над 4.100 фунти) биле скриени во гаќите на Родригез, сенатор на амазонската држава Рораима.

Police find cash hidden between Bolsonaro ally's buttocks https://t.co/yAqdHstqBU

— The Guardian (@guardian) October 15, 2020

„За да разберете колку ситуацијата била апсурдна, некои од доказите биле извалкани со фекалии“, извести Ревиста Крусо, конзеравтивен магазин кој ја објави приказната.

Родригез ги негираше обвинувањата, но не понуди објаснување за содржината на својата долна облека, навестувајќи дека ривалите се обидуваат да го извалкаат неговото име.

„Имам чисто потекло и угледен живот. Никогаш не сум бил вмешан во било каков скандал“, инсистираше 69-годишниот политичар.

Бразилскиот крајно десничарски претседател во 2018 година ја освои власта со ветување дека ќе го искористи политичкото крадење, после најголемата истрага за корупција во историјата.

„Не верувам дека има (корупција) во мојата влада“, рече Болсонаро во средата.

Неговата администрација ја прогонува скандал, а под сомнение е и еден од неговите синови Флавио кој раководел со долгогодишен рекет и корупција. Флавио Болсонаро ги негирал тие тврдења.