Сината птица се претвори во „Х“
Шефот на Твитер го откри новото лого на социјалната мрежа, со бел X на црна позадина, што ќе ја замени сината птица. Утрово во објава на Твитер, Линда Јакарино напиша „Х е тука! Ајде да го направиме ова“.
„Твитовите“ исто така ќе бидат заменети, според сопственикот на Твитер Илон Маск, а објавите ќе се нарекуваат „икс“.
X is here! Let’s do this. pic.twitter.com/1VqEPlLchj
— Linda Yaccarino (@lindayacc) July 24, 2023
Милијардерот ја смени сликата на профилот во новото лого и додаде „X.com“ во својата биографија на Твитер. Маск сака да создаде „супер апликација“ наречена „Х“ – неговата визија за нов вид платформа за социјални мрежи за која тој зборуваше со месеци, пишува „Би-Би-Си“.
Во неделата, милијардерот објави дека сака да го смени логото на Твитер, пишувајќи: „И наскоро ќе се поздравиме со брендот Твитер и, постепено, со сите птици“.
— Elon Musk (@elonmusk) July 23, 2023
Потоа, тој сподели слика од новиот бренд X проектиран на страната на седиштето на Твитер во Сан Франциско.
Our headquarters tonight pic.twitter.com/GO6yY8R7fO
— Elon Musk (@elonmusk) July 24, 2023
Маск, кој го смени името на бизнисот во X Корп, рече дека замената „требаше да биде направена одамна“. Јакарино вели дека ребрендирањето е возбудлива нова можност.
„Твитер остави огромен впечаток и го промени начинот на кој комуницираме. Сега, X ќе оди понатаму, трансформирајќи го глобалниот градски плоштад“, рече таа.
Птицата Лери, за што коосновачот на Твитер, Биз Стоун, во 2011 година рече дека е почит на кошаркарската ѕвезда и легенда на Бостон Селтикс, Лери Бирд, беше препознатлива кај сите низ светот, знаејќи дека сината птица секогаш ќе ги асоцира на Твитер.