Бројот на починати од пандемијата на коронавирусот во светот би можел да нарасне на 1,8 милиони луѓе oваа година, и покрај строгите мерки, покажа истражување на британскиот Империјал Колеџ, објавено вчера.

Научниците проценуваат дека владите можат да спасат десетици милиони животи ако брзо делуваат и воведат строги мерки за заштита на јавното здравје како што се тестирањата, карантините и социјалното дистанцирање.

Последниот извептај на лондонскиот Имерпијал Колеџ, чии претходни истражувања ја уверија британската валда да заземе построг пристап во борбата против вирусот, објавен е додека во светот се заразени повеќе од 540 илјади, а починаа повеќе од 24 илјади луѓе.

Симулациите на британскиот универзитет се темелат на моменталните податоци за силата на вирусот, неговата заразност и стапка на смртност, како и демографските и општествените фактори.

Проекцијата за сценариото во кое владите не интервенираат предивидува дека Ковид-19 оваа година би ги заразил сите жители на светот и би однел 40 милиони животи.

The coronavirus pandemic could have caused 40 million deaths without preventative measures, @Imperial_JIDEA and @MRC_Outbreak researchers have found https://t.co/8UyeMo2pgp

— Imperial College (@imperialcollege) March 27, 2020

Извештајот потоа разгледува неколку нивоа на одговори, од спонтано социјално дистанцирање до строг карантин каков што моментално се спроведува во најтешко погодените држави.

Ако тие мерки се воведат навремено, што неделно би резултирало со смрт на 0,2 жители на 100.000, проекциите покажуваат дека би починале 1,86 милиони луѓе, а речиси 470 милиони во 202 држави би се заразиле.

Ако пак мерките се воведени предоцна, и умираат 1,6 жители на 100.000, конечната бројка значително расте, на 10,45 милиони смртни случаи и 2,4 милијарди заразени.