Државниот институт за истражување Агроскоп им испратил два пара памучни гаќи на волонтерите што учествуваат во ова истражување, а нивната задача е да ги закопаат во почвата во нивната градина или нива.

Планот е, по одредено време, гаќите да се ископаат и да се однесат на анализа, каде што треба да се испитаат во каква состојба се наоѓаат, односно тоа ќе биде показател до кој степен ситните организми го разградиле текстилот.

Швајцарските експерти за агенцијата ДПА велат дека во Канада веќе се направени слични експерименти, но не толку обемни.

Планот е и волонтерите што се пријавиле, во земјата да закопаат и ќесички со чај, со што ќе се контролира веродостојноста на резултатите добиени од долната облека, бидејќи овој метод на испитување на почвата со ќесички чај е одамна познат.

Планот за истражување е да се ископа едниот пар гаќи по еден месец, во присуство на контролните органи и со фотографирање, а другиот пар за два месеца. Потоа, со дигитален метод ќе се анализира распаѓањето на природните влакна. Колку повеќе дупки ќе се пронајдат на гаќичките, тоа значи дека дотолку е поздрава почвата.