Шпанија ги претстави плановите за модернизација и набавка на дополнителни системи за воздушна одбрана „НАСАМС“ од „Kongsberg Defense & Aerospace“ што означува инвестиција во вредност од околу 410 милиони евра.

Шпанската дирекција за вооружување, генерален директорат за вооружување и материјали (ДГАМ), на 19-ти април ја објави својата намера да продолжи со програмата за модернизација на „НАСАМС“, сигнализирајќи значително подобрување на постојната инфраструктура за воздушна одбрана на Шпанија и зајакнување на соработката со Норвешка.

Договорот за овој потфат предвидено е да биде потпишан во мај 2024 година.

„НАСАМС“, заеднички проект помеѓу „KONGSBERG“ и „Raytheon“, котира како врвен систем за воздушна одбрана со среден дострел на глобално ниво.

Како докажан меѓународен корисник на „НАСАМС“, Шпанија може да се пофали со повеќе од две децении искуство со системот.

Во моментов, шпанските единици „НАСАМС“ работат на Балтикот како дел од мисијата за заштита на воздухот на НАТО, со вкупно 13 НАТО и партнерски земји кои ја користат оваа технологија.