Шпанците повеќе не купуваат тоалетна хартија: Сега панично се фрлија на овие производи, карантинот им ги смени навиките (ВИДЕО)
Чипсот од компири, чоколадите, сладоледот и инчуните исто така ги снема од полиците и нивната продажба порасна од 76 на 87 проценти.
Тоалетната хартија веќе не е проблем. Шпанските продавници се полни. Наместо тоа, Шпанците панично купуваат вино, пиво, маслинки, чипс и чоколадо или едноставно ги конзумираат повеќе.
Тоа го покажуваат податоците од пазарот во време кога цела Шпанија е во изолација од 15 март.
Шпанците во текот на изминатите недели купиле 80 отсто повеќе пиво и 60 отсто повеќе вино отколку пред недела дена, се наведува во извештајот на компанијата Инфоретаил.
Чипсот од компири, чоколадите, сладоледот и инчуните исто така ги снема од полиците и нивната продажба порасна од 76 на 87 проценти.
Шпанците кои инаку се дружат по кафулињата, баровите и другите отворени простори сега си направија свои домашни барови, пишува шпанскиот дневник Ел Паис.
Психологот Олга Кастаниер овие промени ѝ ги припишува на анксиозноста предизвикана од вирусната епидемија и новите ограничувања на движењето.
„Кога сте под стрес, не јадете бифтек. Во таква ситуација, телото копнее по шеќери и маснотии“, вели таа за Ел Паис.
Признава дека ќе се состане со пријателите преку Скајп за да испијат пиво.
