Американската актерка Мелани Грифит пред неколку дена била уловена од фотографите, а со оглед на тоа дека успеале да ја фотографираат одблиску, на нејзиното лице може да се забележи голема лузна. Иако американските медиуми се обидоа да дојдат до актерката и да дознаат што ја предизвикало оваа состојба, никој од нејзиниот тим не одговарал на повиците.

Ни претходно не се знаеше зошто актерката Мелани Грифит има лузна на лицето, но сега има поголема рана на истото место, која изгледа свежо. На фотографиите видлива е раната на нејзиното лице, но модринките на прстите уште повеќе ги вознемирија фановите.

Инаку, Мелани претходно се бореше со ракот на кожата. На убавата актерка и претходно и приговараа поради нејзиниот изглед и естетските зафати, а беше мета на безброј негативни коментари. Затоа реши да зборува отворено за сѐ, велејќи дека по критиките го сменила лекарот, бидејќи и самата не била задоволна од резултатот.

„Не сфатив како изгледам додека луѓето не почнаа да велат: ‘О, Боже мој, што направи таа?!’. Тоа толку ме повреди што отидов кај друг доктор и почнав да ги решавам сите грешки што ми ги направи претходниот. За среќа, сега изгледам понормално“, изјавила Мелани во едно интервју.