Српската пејачка Ана Николиќ привлекува големо внимание со своето однесување и изјави, особено затоа што слободно зборува за својот приватен живот. Така, Николиќ никогаш не криела дека направила естетски корекции, но она што ги шокирало сите е нејзиното признание дека по втората операција на градите ги сочувала своите импланти, пишува српски „Курир“.

Пејачката првите импланти ги заменила со поголеми, а по излегувањето од оперативната сала ги однела со себе дома. Како што рекла, во болницата биле изненадени што воопшто ставила толку мали импланти.

Таа објаснила дека постои правило за фрлање на неразградлив материјал како што се имплантите и дека постојат таканаречени силиконски гробишта, но дека таа ги ставила во сеф и ги зачувала.

– Постојат силиконски гробишта, јас затоа и ги оставив моите малечки кај мене. Отидов кај докторката и таа ми рече дека постојат силиконски гробишта и кога ќе се извадат, се носат таму и им го пишуваат името и презимето за да се знае чии се – изјавила Ана Николиќ неодамна во емисијата со Огњен Амиџиќ.