Шекеринска: ВМРО-ДПМНЕ сакаат Армијата да ја вратат во лошото старо замрзнато време
Со блокадата со 2.000 амандмани на измените во Законот за служба во Армијата и нивното законско решење, ВМРО-ДПМНЕ сакаат Армијата да ја вратат во лошото старо замрзнато време, во 2015 година, изјави во гостувањето на „Утински брифинг“, министерката за одбрана Радмила Шекеринска.
-Дпмне со овие чекори сакаат Армијата да ја вратат во лошото старо замрзнато време. Оти и таму ги замрзнаа работите. Армијата беше заборавена, немаше пари, немаше мотивација, немаше план што да прави. Тие сега сакаат со една блокада и еден таканаречен Закон да не вратат во 2015 година. Немаат нови идеи, единствена нивна нова идеја е ако може да се продолжи партизацијата на Армијата – вели Шекеринска.
Таа нагласува дека, мнозинството предложило закон за служба во армијата во кој буквално е ставена одредбата од законот за служба во полицијата, закон кој е донесен во 2014 година кога била ВМРО на власт.
– Сега тие што велат за полицијата треба да важи департизацијата, а војската може да се партизира. Контрастот помеѓу Армијата денес и во 2017 година е како небо и земја – истакнува Шекеринска.