Директорот на Самсунг, една од најголемите технолошки компании во светот, нема да оди во затвор, јавува Си-Ен-Ен. Ли Јае Јонг беше обвинет за манипулација со акции и измама поврзани со контроверзното спојување на компаниите во 2015 година. Ослободителната пресуда е огромно олеснување за Ли, кој со години е во правни проблеми.

Минатата година, јужнокорејските државни обвинители побараа петгодишна казна за Ли за наводно надувување на цената на акциите на текстилната компанија Чеил и намалување на вредноста на градежната и инженерската компанија Самсунг пред спојувањето. Тие тврдеа дека спојувањето му овозможило на Ли да има поголемо влијание врз Самсунг Електроникс, каде тој е извршен директор. Адвокатите на Ли негираа какви било неправилности и нагласија дека спојувањето на компаниите му овозможило на Ли да стане постабилен.

Главниот судија во Сеул, Парк Јунг-Јае, рече дека нема доволно докази за да се докаже дека Самсунг намерно предизвикал загуби на неговите акционери. Се уште не е јасно дали обвинителите ќе се жалат на пресудата, што изненади многу адвокати.

„Ова е целосно шокантна пресуда“, рече Парк Сангин, професор по економија на Националниот универзитет во Сеул.

Тој додаде дека одлуката ќе доведе до пад на довербата на странските инвеститори.