Шпанскиот фудбалски клуб Севиља исфрли навивач од својот стадион и поднесе полициска пријава поради „ксенофобично и расистичко однесување“ за време на натпреварот против Реал Мадрид во „Ла Лига“.

Во соопштението не прецизираше за какво однесување станува збор, ниту пак кој бил мета на нападот.

Од претходно е познато дека бразилскиот фудбалер на Реал Мадрид, Винисиус Јуниор во неколку наврати беше цел на расистички напади од страна на противничките навивачи.

Соопштението на Севиља беше објавено набргу по крајот на натпреварот со Реал (1:1).

Севиља рече дека „го осудува секое ксенофобично и расистичко однесување, дури и изолиран случај како овој, и ја изразува својата подготвеност да соработува со властите за искоренување на ваквите ставови.

✍️ Official statement: Sevilla FC v Real Madrid

— Sevilla FC (@SevillaFC_ENG) October 21, 2023