Поранешниот капитен на Реал Мадрид, Серхио Рамос се најде во средиштето на скандалот кој го откри „Ел Конфиденсиал“, а кој претседателот на фудбалската федерација на Шпанија, Луис Рубиалес безуспешно се обидуваше да спречи да биде објавен во јавноста.

Имено, „Ел Конфиденсиал“ објави аудио снимка од разговор направен во 2019 година неколку месеци пред избивањето на пандемијата на коронавирусот меѓу Рамос и Рубиалес во кој поранешниот капитен на Реал Мадрид бара да изврши притисок во ФИФА за тој да биде прогласен за фудбалер на годината за 2019 година.

– Добро вечер Руби, се надевам дека ти и семејството сте добро. Знаеш дека никогаш не сум барал од тебе, но денеска сакам да направиш нешто бидејќи ова за мене е специјална година поради резултатите што ги имав. Сакам да ми помогнеш на било кој начин, да притиснеш некое „копче“ во УЕФА и вашите контакти за Златната топка. Ќе ги бидам бескрајно благодарен, не само поради мене туку мислам дека и шпанскиот фудбал го заслужува тоа – му вели Рамос на првиот човек на Фудбалската федерација на Шпанија.

– Поздрав, Серхио. Ти честитам, мислам дека дека е ова е добра година да ја добиеш наградата. Тоа нормално не е на мене, но ќе ги помогнам на било кој начиќ – му одговара Рубиалес на Рамос.

Фудбалерот потоа вели:

– Знам дека не е до тебе, но врските се многу важни. Инфантино ја доделува наградата „Д бест“ што исто така би било супер. Сметам на твојата помош, а кога ќе можеш, да се видиме на вечера.