Претседателот на Централното собрание на Алијанса за Албанците, Зијадин Села, во интервју за телевизијата Клан изјави дека претседателот на партијата, Арбен Таравари се однесува детски и постапува под туѓи директиви, остварувајќи средби со други лидери без при тоа со него да отиде и друг член на раководството на партијата. Според Села, ваквото однесување не доликува на партиски лидер, а целта била поделба на партијата.

Коментирајќи ги случувањата во партијата, тој истакна дека не се разделиле со првиот човек на АА, туку дека Таравари одлучил да ги заобиколи партиските тела и да ја прошверцува партијата.

Неделава ќе се официјализира коалицијата на албанската опозиција заедно со Алијанса на Таравари

-Таравари реши годинава да ги заобиколува партиските тела, не доаѓаше на состаноци, а одеше на тајни средби со други лидери без при тоа со него да отиде и друг член на раководството на партијата. Покажа детско однесување што не доликува на лидер, вели Села.

Села ја оцени средбата со косовскиот премиер Албин Курти во Приштина како тајна и нетранспарентна, бидејќи Таравари со себе не повикал ниту еден член на партијата.

Тој додаде дека Курти на средбата не инсистирал на ништо, само сакал да добие информации за политичките случувања во Македонија.

Донесена иницијатива Таравари да биде разрешен од претседател на Алијанса за Албанците

Претседателот на Централното собрание на АА порача и дека тој е најзаслужен за тоа што Арбен Таравари стана политичар.

– Во 2016 година никој политички не го познаваше Арбен Таравари. Во 2014 И 2015 година кога го започнав Движењето за реформи, го поставив за генерален секретар. Во 2016 година беше втор на листата за пратеник во изборната единица број 1. Загуби. После тоа го направив министер за здравство, напредуваше – рече Села и додаде дека на локалните избори во 2017 година коалицирал со Беса за Таравари да стане градоначалник на Гостивар.

Зијадин Села заклучи дека коалицирањето со опозициските албански партии не гарантира промена, а Алијанса за Албанците ќе оди сама на парламентарните избори на 8 мај.

Таравари ги губи министрите, дали ќе ја зачува Алијанса?