Себастијан Фетел: Штета за Мик Шумахер, но мора да работи и да се врати посилен
Според некогашниот четирикратен првак во Формула 1, на синот на легендарниот Михаел Шумахер, кој сега е “деградиран“ во резервен возач во Мерцедес, ќе му треба повеќе време да се докаже
Четирикратниот шампион во Формула 1 Себастијан Фетел проговори за резервниот возач на Мерцедес Мик Шумахер.
– Михаел Шумахер е мојот идол. А Мик го познавам многу години. Штета за него што неговата тркачка кариера нема да продолжи следната година. Мик е некој кому можеби му треба малку повеќе време. Но, тој дефинитивно има потенцијал. Можеби ја немаше најдобрата средина. Се разбира, улогата на резервен возач е добра, но едноставно не се тркате толку често. Сега сè зависи од него: тој мора да работи, а потоа да се врати посилен – вели Фетел.
Мик Шумахер ги помина последните две сезони како возач во Хаас, но не се покажа. Американскиот тим реши да не го продолжи договорот со младиот Шумахер и го замени со Нико Хулкенберг. Следната сезона Мик ќе биде резервен возач на Ф1 тимот на Мерцедес.
