Во рамки на големата пролетна акција за чистење и уредување на Општината, струмичкото комунално претпријатие почна со засадување на илјада јавори на излетничкото место Чам Чифлик кај Струмица.

Од „Комуналец” информираат дека со чистењето и пошумувањето ова излетнико место, кое е атрактивно со својата природа и убавина, ќе добие уште подобар изглед.

Упатуваат апел до граѓаните, кои го посетуваат местото, да се однесуваат домаќински и одговорно со цел да се задржи чистотата и природната убавина на локалитетот.

Истовремено со оваа акција, екипи на ЈПКД „Комуналец” ги поправаат оштетените клупи на трим патеката кон излетничкото место „Свети Илија”