Се бара изземање на обвинителката Стефанова од „Титаник“ – Слободен печат
ВестиХроника

Се бара изземање на обвинителката Стефанова од „Титаник“

Барањето го образложи адвокатот Димитар Дангов бранител на неколкумина обвинети во овој случа. Тој смета дека сега кога Катица Јанева е во притвор, Стефанова не може да го застапува обвинението.

Судечкиот судија во предметот „Титаник“ на Специјалното јавно обвинителство денеска даде 30 минутна пауза за да одлучи и да се произнесе по барањето на адвокатот Димитар Дангов, бранител на неколкумина обвинети во овој случај кој побара запирање на процесот со образложение дека Катица Јанева, која е шефицата на СЈО е во притвор, а обвинителката во случајот Лиле Стефанова не може повеќе да го застапува обвинението.

– Во овој момент општо познато е дека Катица Јанева е во притвор, како осомничена во „Рекет“. Постои опасност Јанева да стори друго кривично дело, бидејќи ова е еден од основите за кои и е одреден притвор. Затоа постои опасност Јанева да стори кривично дело и во овој кривичен предмет, односно постои страв да не го повтори делото. Јанева е единствено надлежна да го застапува секој кривичен предмет на СЈО, па поради тоа, со респект кон уважената обвинителка Лиле Стефанова, кон која сите во салата имаат голема почит, сепак морам да кажам дека истата нема право да го застапува предметот, поради притворот на Јанева. Нејзиното доаѓање го сметам како можност да види што ќе се случи. Стефанова не може да има повеќе права од Јанева и да го застапува обвинението – рече Дангов.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close