Џејдон Санчо, одличниот 19-годишен крилен фудбалер, ќе ја напушти Борусија Дортмунд на крајот од натпреварувачката сезона, пренесува германскиот „Скај“.

Фаворит да го доведе во своите редови англискиот репрезентативец е екипата на Манчестер јунајтед која наводно веќе постигна договор со Санчо и остана уште да се договорат околу висината на отштетата со германскиот клуб.

Sky Germany are reporting that Jadon Sancho will be leaving Borussia Dortmund this summer, with Manchester United keen to sign the right winger ?

Ziyech to Chelsea, Sancho to United, its shaping up nicely ? ?? #MUFC pic.twitter.com/Cv6014RqZC

— StretfordPaddock (@StretfordPaddck) February 12, 2020

Пред седум години започна да тренира фудбал во Ватфорд, а на 14-годишна возраст беше ангажиран од Манчестер сити.

Три години подоцна се раздели со „граѓаните“ откако не доби нов договор, како и загарантираната минутажа.

Досега за Дортмунд има 84 натпревари и постигна 29 голови. Лани се најде во најдобриот тим на Бундес лигата, а за англиската репрезентација запиша 11 мечеви и два погодоци.

Неговата вредност според „Трансфермаркт“ е проценета на 120 милиони евра, а има уште и пол години договор со бундеслигашот.

Претходно беше објавено дека е можно Маурицио Покетино да биде наследникот на Оле Гунар Солскјер на клупата на „црвените ѓаволи“.