РК Алкалоид обезбеди место во Европската лига следната сезона
Ракометниот клуб Алкалоид триумфираше против ГРК Охрид со конечен резултат 31:23 во рамките од македонската Супер лига.
На тој начин играчите предводени од тренерот Кирил Лазаров обезбедија место во Европската лига следната натпреварувачка сезона. РК Алкалоид на три кола до крајот на сезоната има недостижна предност од 15 бодови пред четвртопласираниот тим ГРК Охрид.
Кај стрелците во победата најефикасен беше Серафимов со шест голови, а се истакна и голлманот Галевски со 14 одбрани. На спротивната страна блескаше Рустамов со шест голови.
Се одигра уште еден меч, Еурофарм Пелистер ја оправда фаворитската улога против Тинекс Пролет (30:17) и повторно битолчани се израмнија со Вардар 1961 на врвот со по 33 бодови.
Следува пауза поради репрезентативните обврски, а после нив следува решавачката битка за шампионската титула во Битола помеѓу Еурофарм Пелистер и Вардар 1961.
