Сигурни сме дека сите сакате пица и дека нема ништо повкусно од топла пица со крцкаво тесто и со кашкавал што се развлекува. Тоа е причината поради која многу луѓе сакаат да прават пица дома, затоа што сакаат да ја почувствуваат свежината и да ги стават состојките на пицата што тие ги сакаат. Меѓутоа, традиционалната подготовка на пица бара да го замесите тестото и да ја испечете пицата во рерна, што понекогаш може да одзема многу време.

Но, постои начин како да направите пица во тава и тоа за само 20 минути.

Состојки:

– маслинки (црни и зелени по желба)
– оригано
– тортилја
– 2 јајца
– сол
– кашкавал/сирење гауда или моцарела
– шунка или кулен
– рукола по желба

Подготовка:

Пропржете ги доматите и маслинките исечени на кругови, па посипете ги со оригано. Изматете две јајца, па додајте ги да ја покријат површината на тавата и по 30 секунди одозгора ставете ја тортилјата.

Почекајте јајцето убаво да се залепи за тортилјата, па превртете го.

Одозгора ставете сирење и сувомесен производ по желба, па покријте ја тавата и оставете на тивок оган најмногу една минута. Тргнете од оган. Ако сакате рукола, можете да ја додајте, а можете да додајте и кечап и уште сирење.